پاکستان انٹرنیشنل ایئر لائنز ( پی آئی اے ) اور سری لنکن ایئرلائنز کے درمیان انجینئرنگ سروسز کا معاہدہ طے پا گیا۔
پی آئی اے اور سری لنکن ایئرلائنز کے درمیان طے پانے والے معاہدے کے تحت سری لنکن ایئرلائنز کی پروازوں کو لاہور ایئرپورٹ پر تکنیکی معاونت فراہم کی جائے گی۔
ترجمان پی آئی اے کے مطابق یہ معاہدہ نہ صرف زرمبادلہ کے حصول میں اہم کردار ادا کرے گا بلکہ پی آئی اے انجینئرنگ کی صلاحیتوں پر بھرپور اعتماد کا مظہر بھی ہے۔
لاہور ایئرپورٹ پر طیارے میں منعقدہ تقریب میں سری لنکن ایئرلائن کے عملے کے ساتھ کیک بھی کاٹا گیا۔
ترجمان پی آئی اے کے مطابق پی آئی اے انجینئرنگ پہلے ہی متعدد ملکی و غیر ملکی ایئرلائنز کو خدمات فراہم کر رہی ہے۔
