حکومت نے سرکاری اسکیم کے تحت حج درخواستوں کی وصولی میں ایک دن توسیع کر دی ۔
تفصیلات کے مطابق ترجمان وزارت مذہبی امور کا کہناتھا کہ نامزد بینکوں میں 18 اگست کو حج درخواستوں کی وصولی جاری رہے گی، گذشتہ 12 روز میں 1 لاکھ 10 ہزار سے زائد درخواستیں موصول ہو چکی ہیں، کوٹہ کے تحت 7 ہزار نشستیں باقی ہیں، ایک دن کی توسیع "پہلے آئیے پہلے پایئے"کی بنیاد پر کی گئی، نشستیں مکمل ہوتے ہی حج درخواستوں کی وصولی روک دی جائے گی، آن لائن پورٹل میں مزید توسیع نہیں ہو گی،آن لائن پورٹل آج رات 12 بجے بند کر دیا جائے گا۔
