لوئر دیر میں مسلح افراد نے فائرنگ کرکے اسکول ٹیچر اور 4 سال کی بچی کو قتل کردیا۔ پولیس نے قتل کا مقدمہ درج کرکے تفیش شروع کردی۔
لوئر دیر میں اسبنڑ کےعلاقہ شوڑشنگ میں نامعلوم مسلح افراد نے موٹر سائیکل سواروں پر فائرنگ کردی، واقعے میں باپ اور بیٹی جاں بحق ہوگئے۔
پولیس کے مطابق شوڑشنگ کا رہائشی خالق داد اپنی بیٹی کے ساتھ موٹر سائیکل پر جارہا تھا، کہ نامعلوم افراد نے فائرنگ کردی، واقعے میں جاں بحق شخص ٹیچر تھا اور اسکول پڑھانے جارہا تھا۔
پولیس کا کہنا ہے کہ واقعہ لوئر دیر میں اسبنڑ کے علاقے شوڑشنگ میں پیش آیا، پولیس نے قتل کا مقدمہ درج کرکے ملزمان کی گرفتاری کیلئے کوششیں شروع کردی ہیں۔
