راولپنڈی کے علاقے میرحیدر کالونی میں کمسن بیٹی پر تشدد کرنے والے میاں بیوی کیخلاف مقدمہ درج کرلیا گیا۔
پولیس کو بچی پر تشدد، زخمی ہونے اور والدین کی جھگڑے کی اطلاع 15 ایمرجنسی ہیلپ لائن پرملی تھی، مقدمہ پولیس کی مدعیت میں تھانہ دھمیال میں درج کیا گیا۔
مقدمے کے متن کے مطابق اہل محلہ کے پوچھنے پر ملزم اہلیہ اور بچوں سمیت گھر کو تالا لگا کر چلا گیا، گھر سے بچی کے چیخنے اور دروازہ کھٹکھٹانے پر پولیس موقع پر پہچنی۔
اہل محلہ سمیت پولیس کے گھر داخل ہونے پر بند کمرے سے زخمی حالت میں بچی کوبازیاب کروایا گیا، ملزمان کے خلاف بچی کو محبوس رکھنے اور تشدد کرنے کی دفعات کے تحت مقدمہ درج کیا گیا۔
