لاہور میں لیسکو ایئرپورٹ سب ڈویژن کے دفتر پر مسلح افراد نے حملہ کردیا۔
لیسکو کے دفتر پر مسلح افراد کے حملے میں 2 لیسکو ملازمین زخمی جبکہ سرکاری گاڑی تباہ ہوگئی۔ واقعہ کا مقدمہ تھانہ آراے بازار میں درج کرلیا گیا۔
قبل ازیں اسلام آباد میں خودکش دھماکے کے بعد لاہورمیں سکیورٹی ہائی الرٹ کردیا گیا۔ عدالتوں کی سکیورٹی پرتعینات اہلکاروں کی تعداد بڑھا دی گئی،ماتحت واعلی عدالتوں کےارد گرد پولیس پٹرولنگ بڑھائی جارہی ہے۔
پولیس کےمطابق شہر کے داخلی و خارجی راستوں پر گاڑیوں کی چیکنگ بڑھادی گئی،انٹری پوائنٹس کی کلوزسرکٹ کیمروں سے مانیٹرنگ جاری ہے،مشکوک گاڑیوں کی جامع چیکنگ کی جارہی ہے،شہر میں داخل ہونے والوں کے کوائف کی جانچ پڑتال کی جارہی ہے۔ شہر کی حساس تنصیبات پر بھی سکیورٹی بڑھا دی گئی،سیف سٹی کیمروں کی مدد سے اہم شاہراہوں اور تنصیبات کی مانیٹرنگ جاری ہے۔
