ترجمان دفتر خارجہ کا کہنا ہے کہ وزیراعظم پاکستان کی دعوت پر ایرانی صدر مسعود پزشکیان 2 سے 3 اگست تک پاکستان کا سرکاری دورہ کریں گے۔
ترجمان دفترخارجہ کے مطابق ایرانی صدر مسعود پزشکیان 2 سے 3 اگست تک پاکستان کا سرکاری دورہ کریں گے، ان کے ہمراہ وزیر خارجہ سدی عباس عراقچی، سینئر وزراء اور دیگر اعلیٰ حکام بھی شامل ہوں گے۔
ترجمان کا کہنا ہے کہ صدر اسلامی جمہوریہ ایران مسعود پزشکیان وزیراعظم شہباز شریف کی دعوت پر پاکستان کا دورہ کررہے ہیں۔
ترجمان کے مطابق ایرانی صدر اپنے دورے میں صدر پاکستان آصف علی زرداری سے ملاقات کریں گے جبکہ وزیراعظم شہباز شریف سے وفود کی سطح پر بات چیت کریں گے۔
واضح رہے کہ بطور ایرانی صدر ڈاکٹر مسعود پزشکیان کا یہ پاکستان کا پہلا سرکاری دورہ ہے، وزیراعظم شہباز شریف نے 26 مئی کو ایران کا دورہ کیا تھا۔
ترجمان دفتر خارجہ کا کہنا ہے کہ ایرانی صدر کے دورہ پاکستان سے دونوں ممالک میں برادرانہ تعلقات مزید مضبوط ہونے کی امید ہے۔
