سابق وفاقی وزیرحماد اظہر نے نو مئی کیسز میں پولیس کو سرنڈر کرنے سے انکار کر دیا ہے اور پچاس سے زائد مقدمات میں حفاظتی ضمانت کیلئے پشاور ہائیکورٹ سے رجوع کرنےکا حتمی فیصلہ کرلیا ہے۔
تفصیلات کے مطابق حماد اظہرنے اپنی لیگل ٹیم سے مشاورت کے بعد حکمت عملی تیار کر لی ہے ، ذرائع کا کہناہے کہ حماد اظہر پر لاہور، فیصل آباد اوراسلام آباد میں پچاس سے زائد مقدمات درج ہیں۔حماد اظہر پشاورہائی کورٹ پیش ہو کر تمام کیسز میں حفاظتی ضمانت لیں گے۔حماد اظہر حفاظتی ضمانت کیلئے پشاور ہائیکورٹ کے سامنے پیش ہوں گے۔حفاظتی ضمانت ملنے پر متعلقہ عدالتوں سے ضمانت کیلئے رجوع کیا جائے گا۔حماد اظہرکی لیگل ٹیم نے تمام مقدمات کا ریکارڈ اکٹھا کرلیا ہے ۔حماد اظہر نو مئی کے متعدد مقدمات میں اشتہاری اور پولیس کو مطلوب ہیں۔
