سندھ حکومت نے کم از کم ماہانہ اجرت 40 ہزار روپے مقرر کردی، نوٹیفکیشن بھی جاری کردیا گیا۔
سندھ حکومت نے مزدور کی کم از کم ماہانہ اُجرت 40 ہزار روپے مقرر کردی، نوٹیفکیشن بھی جاری کردیا گیا۔
وزیر محنت شاہد تھہیم کا کہنا ہے کہ نیم ہنر مند افراد کی ماہانہ اُجرت 41 ہزار 380 روپے مقرر کی گئی ہے جبکہ ہنر مندوں کی اُجرت 49 ہزار 628 اور اعلیٰ ہنر مندوں کی اُجرت 51 ہزار 745 روپے مقرر کی گئی ہے۔
ان کا کہنا ہے کہ نوٹیفکیشن کا اطلاق یکم جولائی 2025ء سے نافذ العمل ہوگا، یہ اُجرت تمام رجسٹرڈ و غیر رجسٹرڈ صنعتی و تجارتی اداروں پر لاگو ہوگی، مزدوروں کو کم از کم فی گھنٹہ اجرت 192 روپے دینی ہوگی۔
