کانگریس رہنما اور اپوزیشن لیڈر راہول گاندھی نے لوک سبھا میں مودی سرکار پر شدید تنقید کرتے ہوئے کہا کہ صدر ڈونلڈ ٹرمپ نے 29 بار کہہ دیاہے کہ میں نے سیز فائر کروایا ، اگر وزیراعظم مودی میں ہمت ہے تو پارلیمنٹ کو آکر سچ بتائیں ۔
تفصیلات کے مطابق راہول گاندھی کا کہناتھا کہ وزیراعظم مودی آئیں اور بتائیں کہ صدر ٹرمپ جھوٹ بول رہے ہیں، وزیردفاع نے بیان میں ہم پاکستان کے ساتھ کشیدگی بڑھانا نہیں چاہتے، آپ نے پاکستان کو بتایا ہم آپ کے ساتھ نہیں لگ سکتے ۔
یاد رہے کہ ڈونلڈ ٹرمپ نے حال ہی میں برطانیہ کے وزیراعظم کے ساتھ ملاقات کے بعد گفتگو میں بھی یہ بات دہرائی تھی کہ انہوں نے پاکستان اور بھارت کے درمیان سیز فائر کر وایا جبکہ وہ متعدد بار یہ بھی کہہ چکے ہیں کہ اس جنگ کے دوران 5 طیارے گرائے گئے جو کہ پاکستانی موقف کی تصدیق کرتاہے کہ پاک فضائیہ نے بھارت کے 5 طیارے گرائے جن میں رافیل بھی شامل ہیں ۔
