غذائی اشیاء کی امپورٹ میں سالانہ بنیادوں پر 24 کروڑ 50 لاکھ ڈالر اضافہ ہوگیا۔
دستاویز کے مطابق مالی سال 2024،25 کے دوران دوران 8 ارب 14 کروڑ ڈالر کی کھانے پینے کی اشیاء درآمد کی گئی۔ مقامی کرنسی میں درآمدی اشیاء کی مالیت 2 ہزار 276 ارب روپے ہے۔ 2023،24 میں 7.90 ارب ڈالرکی غذائی اشیاء درآمد کی گئی تھیں۔
زیرجائزہ عرسے کے دوران دودھ، مکھن، کریم سمیت 34 ارب 84 کروڑ روپے کی ڈیری مصنوعات امپورٹ کی گئی، گزشتہ سال ان اشیاء کی درآمد میں 9 فیصد سےزیادہ اضافہ دیکھا گیا۔
ڈرائی فروٹس کی درآمد میں100 فیصد اضافہ ہوگیا،حجم 40 ارب روپےریکارڈ کیا گیا، مصالحوں کی امپورٹ میں 16 فیصد اضافہ، 63 ارب 58 کروڑ روپے کے درآمد ہوئے۔ سویا بین، پام آئل، چینی، دالوں کی درآمدات میں بھی اضافہ ریکارڈ کیا گیا۔
دستاویز کے مطابق دیگر غذائی اجناس کے برعکس گزشتہ مالی سال گندم 100 فیصد جبکہ چائے کی درآمد میں 4.20 فیصد کمی ہوئی۔
