اقتصادی رابطہ کمیٹی اجلاس (ای سی سی) اجلاس میں 50 ہزار گھروں کیلئے مارک اپ سبسڈی کی منظوری متوقع ہے۔ کمیٹی 20 سے 35 لاکھ روپے کے سستے قرضوں کی فراہمی کیلئے آج اسکیم کی منظوری دے گی۔
کابینہ کی اقتصادی رابطہ کمیٹی کا اجلاس آج طلب کر لیا گیا، ای سی سی اجلاس میں 9 نکاتی ایجنڈے پر غور کیا جائے گا۔ 50 ہزار رہائشی یونٹس کیلئے مارک اپ سبسڈی کی منظوری متوقع ہے۔ سستے گھروں کی اسکیم کیلئے سبسڈی، رسک شیئرنگ اسکیم شامل ہے۔
ای سی سی اجلاس میں گھی، کوکنگ آئل کی قیمتوں کا جائزہ لیا جائے گا، پاکستان گرین ٹیکس اکانومی کی منظوری کا امکان ہے۔ پاکستان اسکل امپیکٹ بانڈ کیلئے ایک ارب کی گارنٹی کی منظوری متوقع ہے۔
اسٹیل سیکٹر کی ترقی کیلئے جامع رپورٹ ای سی سی میں پیش ہوگی، شپ بریکنگ ری سائیکلنگ کو باقاعدہ صنعت کا درجہ دینے کا امکان ہے۔ وزارت بحری امور اس حوالے سے سمری اجلاس میں پیش کرے گی۔
