عالمی مالیاتی فنڈ (آئی ایم ایف) کے نمائندہ ماہربنیکی نے کہا ہے کہ پاکستان کی اقتصادی استحکام کی رفتار حوصلہ افزاء ہے۔
اسلام آباد میں ایس ڈی پی آئی کے سیمینار سے خطاب میں نمائندہ آئی ایم ایف ماہربنیکی نے آئی ایم ایف نے پاکستان میں اقتصادی استحکام کی رفتار کو حوصلہ افزا اور ماحولیاتی اصلاحات میں پیشرفت کو قابل ستائش قرار دیدیا۔
ماہربنیکی نے کہا کہ آئی ایم ایف ایکسٹینڈڈ فنڈ فیسلٹی (ای ایف ایف) پروگرام کے تحت پاکستان کی کارکردگی تاحال مضبوط رہی ہے، ای ایف ایف کے تحت پاکستان کی کارکردگی مضبوط، ساختی اصلاحات معیشت کی پائیداری کے لیے ناگزیر ہے۔
ماہربنیکی کے مطابق تجارتی کشیدگی، جغرافیائی تقسیم اورعالمی سطح پر کمزور تعاون غیر یقینی صورتحال بڑھارہا ہے، انہوں نے دوراندیش اوردانشمندانہ پالیسی اقدامات کی فوری ضرورت پر زور دیا۔
نمائندہ آئی ایم ایف نے کہا کہ ٹیکس نظام کو منصفانہ بنانے، کاروباری ماحول کو بہتر کرنے اور نجی شعبے کی قیادت میں سرمایہ کاری کو فروغ دینے والی اصلاحات پاکستان کی طویل المدتی معاشی پائیداری کے لیے کلیدی حیثیت رکھتی ہیں۔
انہوں نے کہا کہ ماحولیاتی اصلاحات کے ضمن میں فراہم کردہ معاونت ناصرف پاکستان کی ماحولیاتی مزاحمت کو مستحکم کرے گی بلکہ سبز سرمایہ کاری کی راہ ہموار کرے گی اور معیشت کو ماحول دوست طرز پر استوار کرنے میں مدد دے گی۔
