وفاقی وزارت منصوبہ بندی نے سابق فاٹا کیلئے فنڈز کی منظوری دیدی اور خیبرپختونخوا کے ضم اضلاع کیلئے 36 ارب روپے کا پیکج منظور کیا گیا ہے۔
وزارت منصوبہ بندی کے اعلامیے کے مطابق وزیراعظم شہباز شریف کی ہدایت پر خیبرپختونخوا کو رقم جاری کی گئی۔
وفاقی وزیر احسن اقبال کا کہنا ہے کہ سابق قبائلی علاقوں کی پائیدار ترقی اور استحکام کیلئے یہ ایک بڑی سرمایہ کاری ہے جس کا مقصد متعلقہ خاندانوں کو تعلیم اور تحفظ فراہم کرنا ہے۔
وزیر منصوبہ بندی کے مطابق یہ منصوبہ سابق فاٹا کیلئے دس سالہ ترقیاتی پلان کاحصہ ہے اور اس پر وفاقی پی ایس ڈی پی کے تحت عمل کیا جائے گا۔
رواں مالی سال فاٹا کیلئے مجموعی جاری کردہ رقم 42 ارب 31 کروڑ روپے ہوگئی ہے۔
