سپریم کورٹ نے جناح ہاؤس حملہ کیس کے ملزم رضا علی کی ضمانت کا تحریری فیصلہ جاری کر دیاہے ۔
تفصیلات کے مطابق سپریم کورٹ نے فیصلے میں کہا کہ حملے میں رضا علی کے ملوث ہونے کی مزید تحقیقات کی ضرورت ہے، رضا علی ایف آئی آر میں نامزد نہیں، ضمنی میں ملزم بنایا گیا، رضا علی پر جناح ہاؤس حملہ کے دوران پولیس اہلکار کو زخمی کرنے کا الزام ہے، کسی پرائیویٹ گواہ نے نہیں بلکہ پولیس اہلکار نے رضا علی کو شناخت کیا، رضا علی کے بقول اس کی جائے وقوعہ پر موجودگی ٹریفک جام کی وجہ سے تھی، ضمانت کے کیس میں شواہد کا سرسری جائزہ ہی لیا جا سکتا ہے، رضا علی کی دو لاکھ کے مچلکوں کے عوض ضمانت منظور کی جاتی ہے۔ سپریم کورٹ کا دو صفحات پر مبنی فیصلہ جسٹس ہاشم کاکڑ نے تحریر کیا۔
