اڈیالہ جیل میں توشہ خانہ ٹو ریفرنس کی سماعت کے دوران بشریٰ بی بی نے عدالت میں آنے سے انکار کردیا،عدالت نے ساڑھےتین گھنٹےتک ملزمہ کا انتظار کرنے کے بعد سماعت تین جون تک ملتوی کر دی۔
جیل حکام نےعدالت کو بتایا بشریٰ بی بی نے یہ کہتے ہوئے عدالت میں آنے سے انکار کر دیا ہےکہ منگل کو ان کی بانی پی ٹی آئی سے ملاقات نہیں کروائی گئی اس لیے وہ عدالت نہیں آئیں گی،اسپیشل جج سینٹرل شاہ رخ ارجمند کا بشریٰ بی بی کے عدالت نہ آنے پر برہمی کا اظہار کیا،استغاثہ نے ملزمہ کی ضمانت منسوخ کرنے پر اصرار کیا۔
اسپیشل پبلک پراسیکیوٹر ذوالفقار عباس نقوی نےمؤقف اپنایا بشری بی بی اس کیس میں ضمانت پر ہیں ۔ عدالت اپنے اختیارات کا استعمال کرتے ہوئے ان کے بغیر ہی سماعت آگے بڑھائے۔
اسپیشل جج سینٹرل نےکہا بشریٰ بی بی کو حاضری کا ایک موقع دیتے ہوئے کیس کی سماعت 3 جون تک ملتوی کر دی اور کہا وہ آئندہ سماعت پر نہ آئیں تو ضمانت منسوخ کرسکتےہیں۔
