محکمہ موسمیات کا کہنا ہے کہ کراچی آج شدید گرمی کی لپیٹ میں رہے گا، درجہ حرارت 40 ڈگری سے زیادہ محسوس ہوگا، سمندری ہوائیں بحال ہوگئیں، ہیٹ ویو کا امکان نہیں ہے۔
محکمہ موسمیات نے شہر قائد کے موسم سے متعلق نئی پیشگوئی جاری کردی۔ کہنا ہے کہ کراچی آج شدید گرمی کی لپیٹ میں رہے گا، دن کے اوقات میں موسم گرم اور مرطوب رہنے کا امکان ہے، زیادہ سے زیادہ درجہ حرارت 36 ڈگری تک جانے کی توقع ہے جبکہ دن کے اوقات میں پارہ 40 ڈگری سے زیادہ محسوس کیا جائے گا۔
محکمہ موسمیات کے مطابق صبح کا درجہ حرارت 30 ڈگری سینٹی گریڈ ہے، جنوب مغربی سمت سے 7 کلو میٹر فی گھنٹہ کی رفتار سے ہوا چل رہی ہے، ہوا میں نمی کا تناسب 78 فیصد ہے۔
محکمہ موسمیات کا کہنا ہے کہ کراچی میں سمندری ہوائیں بحال ہیں، شہر قائد میں ہیٹ ویو کا فی الحال امکان نہیں ہے۔
