امریکہ میں سفیرپاکستان رضوان سعید شیخ نے اپنےبیان میں کہاہم امن پسند قوم ہیں،خطے کی ڈیڑھ ارب آبادی کے مفادات کو مقدم رکھتے ہیں،سیز فائر پرعمل درآمد کے ساتھ ساتھ اصل مسئلے کا حل نکالنا اشد ضروری ہے۔
امریکہ میں سفیر پاکستان رضوان سعید شیخ نے ترک نشریاتی ادارے ٹی آرٹی کو انٹرویو دیتے ہوئے کہا جنوبی ایشیا جیسے حساس خطےمیں'نیو نارمل"کی باتیں غیرحقیقت پسندا نہ ہیں،نیو نارمل کا کوئی بھی حوالہ بذات خود ابنارمل ہے، ایسے بیانات سےگریز کرنا چاہیے۔
مزید کہاپاکستان اور بھارت کےمابین اصل مسئلہ جموں و کشمیر ہے،مسئلہ کشمیر کی حل طلبی پائیدار امن کی ہرکوشش کو متاثرکرتی رہے گی،ہم سمجھتےہیں کہ سب کا مفادامن میں ہے، پاکستان کسی بھی اشتعال پسندی اور جارحیت کا بھرپورجواب دینے کے لئے پرعزم ہے
انکا کہنا تھا کہ امریکہ خطےمیں کشیدگی میں کمی لانےکےحوالے سےہمیشہ متحرک رہا ہےسعودی عرب، ترکیہ اور دیگر دوست ممالک کی کاوشوں کےبھی شکر گزار ہیں،مسئلہ کشمیر کی جانب امریکہ سمیت عالمی برادری کی توجہ مسئلے کے مستقل حل کا ایک نادر موقع ہے،مسئلہ کشمیرکی جانب دنیا کی توجہ مبذول ہونا حوصلہ افزا ہے تاہم اس ربط اورتسلسل اشد ضروری ہے۔
