ترجمان ایئرپورٹس اتھارٹی کا کہنا ہے کہ پاکستان کے تمام ایئرپورٹس مکمل طور پر فعال ہیں۔
اعلامیے کے مطابق قومی فضائی حدود شہری ہوابازی کے لیے محفوظ ہے، بھارت کے غیر زمہ دارانہ اقدامات سے شہری ہوا بازی کو سنگین خطرات لاحق ہوئے۔
پاکستان ایئرپورٹ اتھارٹی حکام کا کہنا ہے کہ خطرات سے بین الاقوامی شہری ہوا بازی کی تنظیم کو آگاہ کردیا، مقامی اور بین الاقوامی کمرشل فلائٹس کی پُرامن روانی یقینی بنائی جارہی ہے۔
قبل ازیں پاکستان بھارتی کشیدگی کے تناظر میں لاہور ایئر پورٹ کی فضائی حدود ایک بار پھر بند کردی گئی۔ ایئرپورٹس اتھارٹی نے نیا نوٹم جاری کردیا۔
نوٹم میں کہا گیا ہے کہ لاہور کی فضائی حدود کے روٹس جے 186، 165، 139 فلائٹ آپریشن کیلئے بند کردیئے گئے ہیں۔ ایئرپورٹس اتھارٹی کا کہنا ہے کہ لاہور فضائی حدود کے روٹس آپریشنل وجوہات کے باعث 24 گھنٹے کیلئے بند کیے گئے ہیں۔
نوٹم میں مزید کہا گیا ہے کہ اسلام آباد ایئرپورٹ پر فضائی آپریشن مکمل طور پر بحال ہے ہے، اسلام آباد آنیوالی پروازوں کو اے ٹی سی سے معاونت کے بعد آنے کی اجازت ہوگی۔
