اقوام متحدہ کے سیکریٹری جنرل نے پاکستان اور بھارت کے درمیان کشیدگی پر اظہار تشویش کیا ہے۔
یاد رہے کہ بھارت نے پاکستان کے 5 مختلف مقامات پر میزائل حملے کیے جن میں سویلین آبادی اور مساجد کو نشانہ بنایا گیا۔
ڈائریکٹر جنرل انٹر سروسز پبلک ریلیشنز (ڈی جی آئی ایس پی آر) لیفٹیننٹ جنرل احمد شریف چوہدری نے حملوں کی تصدیق کرتے ہوئے بتایا کہ بھارت نے کوٹلی، احمدپور شرقیہ، مظفرآباد، باغ اور مریدکے کو نشانہ بنایا۔
حملوں کے بعد پاکستان نے اپنی ایئراسپیس فوری طور پر بند کر دی اور تمام پروازیں منسوخ کر دی گئیں۔
پاکستان نے بھارت کے بزدلانہ حملوں کا بھرپور جواب دیتے ہوئے دشمن کے 2 جنگی جہاز مار گرائے ہیں۔
سیکیورٹی ذرائع نے مزید بتایا کہ پاک فوج کی جوابی کارروائی میں ایل او سی کے قریب دودنیال سیکٹر میں بھارتی بریگیڈ ہیڈکوارٹرز اور ایک فوجی پوسٹ کو میزائل حملوں سے تباہ کر دیا گیا۔
سیکریٹری جنرل اقوام متحدہ کی جانب سے کشیدگی پر اظہار تشویش کیا گیا ہے۔
اپنے بیان میں ان کا کہنا تھا کہ پاکستان اور بھارت تحمل کا مظاہرہ کریں۔
