اسلام آباد کی احتساب عدالت نے رینٹل پاور کے 3 اہم ریفرنسز کے فیصلے سنا دیئے۔ سابق وزیراعظم راجہ پرویز اشرف سمیت متعدد ملزمان کو بری کر دیا گیا۔
احتساب عدالت کے جج محمد علی وڑائچ نے ریفرنسز پر فیصلے سنائے۔ عدالت نے کارکے شپ ریفرنس سے راجہ پرویز اشرف سمیت 11 ملزمان کو ڈسچارج کر دیا۔ اس ریفرنس میں 22 ارب روپے کی کرپشن کا تخمینہ لگایا گیا تھا۔
کارکے کمپنی کی جانب سے پاکستان کیخلاف 200 ارب ہرجانے کا دعویٰ بھی دائرکیا گیا تھا۔ بعد میں حکومتی مداخلت سے ترک کمپنی کارکے سے ہرجانہ معاف کروایا گیا۔
بھکیکی پاور پراجیکٹ شیخوپورہ ریفرنس سے سابق چیئرمین واپڈا سمیت 6 ملزمان کو مقدمہ سے ڈسچارج کیا گیا ہے۔ بھکیکی پاور پروجیکٹ 96 ارب روپے کی لاگت کا منصوبہ تھا۔ شرقپور پاور ریفرنس میں بھی عدالت نے ملزمان کو مقدمہ سے ڈسچارج کردیا۔
