لائن آف کنٹرول (ایل او سی) پر بھارتی فوج کی 2 یونٹوں کے درمیان فائرنگ کے تبادلے میں 5 سکھ فوجی ہلاک ہوگئے۔
ذرائع کے مطابق 25 اور 26 اپریل کے درمیانی شب ایل او سی پر بھارتی فوج کی 2یونٹوں نے ایک دوسرے پر فائرنگ کی، جس کے نتیجے میں 5 سکھ فوجی ہلاک ہوگئے۔
واقعہ مقبوضہ کشمیر میں جاپالہ بریج، بارہمولا سیکٹر میں دوران پیٹرولنگ پیش آیا، بارہمولہ میں 185 بی ایس ایف نے12بریگیڈ کی13 سکھ لائٹ انفنٹری رجمنٹ پرفائرنگ کی۔
ذرائع کے مطابق اپنے 5 ساتھیوں کے ہلاکت کے بعد واقعہ پر 13 سکھ لائٹ انفینٹری کے سکھ جوانوں میں شدیدغم وغصہ پایا جاتا ہے۔
دفاعی ماہرین کے مطابق یہ اپنی نوعیت کا پہلا واقعہ نہیں،ماضی میں بھی ایسے واقعات ہوچکے، واقعہ بھارتی فوج میں پائی جانے والی بوکھلاہٹ کی جانب واضح اشارہ ہے۔
