لاہور قلندرز کے اوپنر فخر زمان نے میڈیا سے گفتگو کرتے ہوئے کہا کہ ٹیم نے اب تک تین میچز جیتے اور تین ہارے ہیں، اور موجودہ کارکردگی پر مطمئن ہیں۔
انہوں نے کہا کہ تمام کھلاڑی متحد ہو کر کھیل رہے ہیں اور حریف ٹیموں کو سخت مقابلہ دے رہے ہیں۔
فخر زمان نے پچز پر تبصرہ کرتے ہوئے کہا کہ پچز میں بیٹسمینوں کے ساتھ ساتھ بولرز کے لیے بھی کچھ ہونا چاہیے۔ ان کا کہنا تھا کہ مشکل حالات کے باوجود 170 سے زائد رنز بن رہے ہیں اور ڈومیسٹک کرکٹ میں بھی گرین پچز ہونی چاہیئں تاکہ کھلاڑیوں کو فائدہ ہو۔
ریشاد حسین کو باصلاحیت اسپنر قرار دیتے ہوئے فخر زمان نے کہا کہ اس کا مستقبل روشن ہے۔انہوں نے کہا کہ جیسی پچز بن رہی ہیں ہمیں اس کا فائدہ ہو گا ایک جگہ پر میچز ہونے سے کنڈیشنز سے ہم آہنگ ہونے کا موقع ملتا ہے ۔
ان کا کہناتھا کہ لاہور قلندرز کے لیے کراوڈ میچز کے لیے بھی ہمارے ایونٹس میں آتا ہے ہمارے لیے ہر اسٹیڈیم میں کراوڈ آتا یے اس سے ہمیں خوشی ہوتی ہے ، یہ موسم پی ایس ایل کے لیے اچھا ہے لوگوں نے گرمی کا شوشا زیادہ چھوڑا ہوا ہے ، پلئیرز کو کوئی فرق نہیں پڑتا اگر کوئی گرم موسم کی بات کرے گا تو یہ صرف معذرت ہوسکتی ہے۔
انہوں نے کہا کہ آپ صرف اپنے اوپر فوکس کرتے ہیں جوکہ ہم کر رہے ہیں ، عامر اچھے بولر ہیں وہ ہر کنڈیشنز میں بولنگ کرنا جانتے ہیں ، ایک پلئیر کی وجہ سے ٹیم نہیں بنتی ساری ٹیم کو مل کر کھیلنا پڑتا ہے۔
