لاہور کی سیشن کورٹ نے اسٹیج ڈانسر کو قتل کرنے کے مقدمے میں ملوث مجرم کو سزائے موت اور 5 لاکھ روپے جرمانے کی سزا سنا دی۔
ایڈیشنل سیشن جج چوہدری شاہد امین نے قتل کیس کا فیصلہ سنایا۔ جرم کے خلاف تھانہ اقبال ٹاؤن پولیس نے 2022 میں مقدمہ درج کیا۔
پراسکیوشن کی جانب سے مقدمے میں 18 گواہوں کے بیانات قلمبند کئے گے۔ مجرم پر اسٹیج ڈانسر شازیہ کو فائرنگ کرکے قتل کرنے اور انکی دو بہنوں کو زخمی کرنے کا الزام تھا۔
عدالت نے تمام گواہوں کو شواہد کا جائزہ لینے کے بعد مجرم وارث کوسزائے موت اورپانچ لاکھ روپے جرمانے کی سزا سنا دی، فیصلے کے بعد مجرم کو جیل منتقل کردیا گیا۔
