لاہور ہائیکورٹ نے پنجاب کی چار اینٹی کرپشن کورٹس میں ججز تعینات کردیے۔
چیف جسٹس لاہور ہائیکورٹ مس عالیہ نیلم کی منظوری کے بعد ججز کی تعیناتی کے حوالے سے نوٹیفکیشن جاری کردیا گیا ہے۔
نوٹیفکیشن کے مطابق سیشن جج جاوید اقبال وڑائچ کو اینٹی کرپشن عدالت لاہور اور سیشن جج اورنگزیب کو اینٹی کرپشن عدالت ملتان میں تعینات کیا گیا ہے۔
سیشن جج خاور رشید کو اینٹی کرپشن عدالت روالپنڈی تعینات کیا گیا ہے۔
نوٹیفکیشن کے مطابق سیشن جج اظہار الحق کو اینٹی کرپشن عدالت سرگودھا تعینات کیا گیا۔
لاہور ہائیکورٹ نے دیگر چار اسپیشل کورٹس میں سیشن ججز کو بھی تعینات کردیا ہے۔
