دنیا کے طویل القامت افراد میں شامل نصیر سومرو 55 برس کی عمر میں انتقال کر گئے۔ وہ کئی سالوں سے پھیپھڑوں کے عارضے اور جوڑوں کے درد میں مبتلا تھے۔ پھیپھڑوں کے عارضے کی وجہ سے انہیں متعدد بار اسپتال بھی داخل کرایا جا چکا تھا۔
اہلخانہ کے مطابق نصیر سومرو نے اپنی غیر معمولی قد و قامت کی بدولت دنیا بھر میں پاکستان کا نام روشن کیا۔ ان کا قد 7 فٹ 9 انچ تھا، جو عام افراد سے تقریباً تین فٹ لمبا تھا۔
نصیر سومرو کو ان کے طویل قد کی وجہ سے پاکستان انٹرنیشنل ایئرلائن (PIA) میں ملازمت دی گئی تھی، تاہم وہ گزشتہ چند سالوں سے ادارے اور حکومتی عدم توجہی کے باعث کسمپرسی کا شکار تھے۔
اہلخانہ کے مطابق وہ پھیپھڑوں کے عارضے کی وجہ سے متعدد بار اسپتال میں زیر علاج بھی رہے، تاہم وہ جانبر نہ ہو سکے اور اپنے خالق حقیقی سے جا ملے۔
