وفاقی کابینہ کی توسیع کا مرحلہ آخری تین وزرا کی حلف برداری کے ساتھ مکمل ہو گیا ہے ، تینوں نئے وزرا کو ان کے قلمدان بھی سونپ دیئے گئے ہیں ۔
حلف برداری کی تقریب ایوان صدر میں ہوئی ، قائمقام صدر یوسف رضا گیلانی نے تین وزرا سے حلف لیا ۔ نوٹیفیکیشن کے مطابق پیرعمران احمد شاہ وفاقی وزیرتخفیف غربت وسماجی تحفظ ہوں گے، چودھری ارمغان سبحانی کو وزیرمملکت برائے منصوبہ بندی و ترقی اور ڈاکٹرشذرہ منصب کووزیر مملکت برائے موسمیاتی تبدیلی کا قلمدان دیا گیا ہے ۔
توسیع کے بعد وفاقی کابینہ کے ارکان کی تعداد 54 ہوچکی ہے جن میں اکتیس وفاقی وزرا،گیارہ وزرائے مملکت ، چار مشیر اور آٹھ معاون خصوصی شامل ہیں ۔
