وزارت داخلہ کے حکم پر اسلام آباد میں غیرسرکاری تنظیم پتن کے دفتر کو سیل کر دیا گیا۔
وزارت داخلہ کےذرائع کی جانب سے دی گئی معلومات کے مطابق پتن ایک غیرسرکاری تنظیم تھی جو انتخابات کی مانیٹرنگ کرتی تھی یہ تنظیم جون 2019 میں تحلیل کر دی گئی تھی اور اس فیصلے کو کسی بھی فورم پر چیلنج نہیں کیا گیا تھا اس کے باوجود تنظیم کی سرگرمیاں جاری رہیں جس پر حکام نے ایکشن لینے کا فیصلہ کیا۔
حکام کا کہنا ہےکہ پولیس اور ضلعی انتظامیہ نے انڈسٹریل ڈویلپمنٹ آفیسر کے حکم پر دفتر کو سیل کر دیا قانون کے مطابق جو تنظیمیں تحلیل کر دی جائیں، ان کا کام جاری رکھنا غیرقانونی ہوتا ہے اسی لیے وزارت داخلہ کے احکامات کی روشنی میں کارروائی عمل میں لائی گئی۔
اس حوالے سے تنظیم کے کسی بھی عہدیدار کا مؤقف سامنے نہیں آ سکاقانونی ماہرین کا کہنا ہے کہ اگر تنظیم کو اپنے سیل کیے جانے پر اعتراض ہے تو وہ عدالت سے رجوع کر سکتی ہے۔
