ذرائع کے مطابق وزارت خزانہ نے تحریری معاہدہ کرنے سے انکار کر دیا ہےجس کے بعد آل گورنمنٹ ایمپلائز گرینڈ الائنس نے دھرنا جاری رکھنے کا اعلان کیا ہے۔
پاک سیکرٹریٹ چوک پر وفاقی سرکاری ملازمین کے احتجاجی دھرنے میں شدت آگئی احتجاجی ملازمین کے نمائندے رحمان باجوہ کا کہنا ہے کہ چارٹر آف ڈیمانڈز کی منظوری کے بغیر مظاہرین واپس نہیں جائیں گے تمام سرکاری ملازمین کو ہدایت دی ہے کہ وہ کل صبح 10 بجے پارلیمنٹ کے سامنے پہنچیں۔
ذرائع کے مطابق حکومتی ٹیم اور آل گورنمنٹ ایمپلائز گرینڈ الائنس کے درمیان چار گھنٹے تک مذاکرات ہوئے لیکن کسی حتمی نتیجے پر نہیں پہنچا جا سکا احتجاجی ملازمین 7 نکاتی چارٹر آف ڈیمانڈ کی منظوری کا مطالبہ کر رہے ہیں۔
ذرائع کا کہنا ہے کہ حکومتی ٹیم اور سرکاری ملازمین کے درمیان متفقہ شرائط پر مبنی مسودہ تیار کیا جا رہا ہے جس پر سیکرٹری خزانہ اور وزیر خزانہ کے دستخط ہوں گے۔
احتجاجی ملازمین کے نمائندے رحمان باجوہ نے واضح کیا کہ اگر ڈرافٹ طے شدہ مطالبات کے مطابق نہ ہوا تو احتجاج جاری رہے گا اور اگر رد و بدل کیا گیا تو صبح دوبارہ سیکرٹریٹ گیٹ بند کرا دیے جائیں گے۔
