محکمہ موسمیات نے ملک کے بیشتر علاقوں میں موسم سرد اور خشک رہنے کی پیشگوئی کی ہے جبکہ کہیں کہیں ہلکی بارش اور برفباری کا امکان ہے۔
محکمہ موسمیات کے مطابق اسلام آباد اور گرد و نواح میں موسم سرد اور خشک رہنے کا امکان ہے، کوہستان، مانسہرہ، ایبٹ آباد، بٹگرام میں ہلکی بارش اور ہلکی برفباری کا امکان ہے جبکہ مری، گلیات اور گرد و نواح میں چند مقامات پر ہلکی بارش اور برفباری کی توقع ہے۔
محکمہ موسمیات کا کہنا ہے کہ لاہور، قصور، شیخوپورہ میں ہلکی دھند کا امکان ہے، سیالکوٹ، نارووال، گجرات، گوجرانوالہ اور منڈی بہاء الدین میں بھی دھند متوقع ہے۔
محکمہ موسمیات کے مطابق سندھ کے بیشتر اضلاع میں موسم خشک اور سرد رہے گا جبکہ بلوچستان کے بیشتر اضلاع میں موسم سرد جبکہ شمالی اضلاع میں شدید سرد رہے گا۔
رپورٹ کے مطابق قلات اور گرد و نواح میں سائیبیریئن ہواؤں کا راج ہے، شہر اور گرد و نواح میں یخ بستہ ہوائیں چلنے سے درجہ حرارت نقطۂ انجماد سے گر گیا۔
محکمہ موسمیات کے مطابق گزشتہ 24 گھنٹوں کے دوران کم سے کم درجہ حرارت منفی 7 ڈگری سینٹی گریڈ ریکارڈ کیا گیا، برفانی ہوائیں چلنے سے معمولات زندگی بری طرح متاثر ہیں۔
