پاک بحریہ کے نئے جہاز یمامہ نے رومانیہ سے آتے ہوئے سعودی عرب کا دورہ کیا اور جدہ میں رائل سعودی نیول فورسز کے ساتھ دو طرفہ مشق میں شرکت کی۔
آئی ایس پی آر کےمطابق جدہ بندرگاہ پر رائل سعودی نیول فورسز اور پاکستانی سفارتی حکام نے جہاز کا استقبال کیا۔قیام کےدوران،جہاز کے کمانڈنگ افسر نےسعودی قیادت سے اہم ملاقاتیں کیں،پاک بحریہ اور رائل سعودی نیول فورسز کےجہازوں نے مشترکہ مشق میں حصہ لیا جس کا مقصد باہمی تعاون کو مزید بہتر بنانا اور مشترکہ آپریشنز کی صلاحیت کو فروغ دینا تھا۔
دونوں بحری افواج نےمیری ٹائم سیکیورٹی اورعلاقائی استحکام یقینی بنانے کے عزم کا اظہارکیا،آئی ایس پی آر کے مطابق اس دورے سے پاکستان اور سعودی عرب کے درمیان برادرانہ تعلقات اوردفاعی تعاون مزید مستحکم ہوں گے،پی این ایس یمامہ رومانیہ میں تعمیر ہونے والے پاک بحریہ کے چار جہازوں میں سے آخری جہاز ہے۔
