پاکستان ٹیسٹ کرکٹ ٹیم کے کپتان شان مسعود اور بابر اعظم نے جنوبی افریقہ کے خلاف دوسرے ٹیسٹ میچ کے تیسرے روز 205 رنز کی شاندار شراکت قائم کرتے ہوئے فالوآن کے بعد ٹیسٹ تاریخ کی سب سے بڑی اوپننگ پارٹنرشپ کا نیا عالمی ریکارڈ قائم کردیا ہے۔
پاکستان کے دونوں اوپنر بلے بازوں نے کسی بھی ٹیسٹ میچ میں فالوآن کے بعد سب سے بڑی اوپننگ اننگز کھیلنے کے تمام پچھلے ریکارڈ توڑ دیے۔گزشتہ ریکارڈز کو توڑنے والی اس شراکت داری نے پاکستان کو اپنی پہلی اننگز میں صرف 194 رنز پر آؤٹ ہونے کے بعد فائٹ بیک فراہم کیا۔
شان مسعود کی شاندار سینچری، ٹیسٹ کرکٹ میں ان کی چھٹی سینچری اور بابر اعظم کے 81 رنز جن میں 10 چوکے شامل تھے، نے جنوبی افریقہ کو بیک فٹ پر رکھنے میں اہم کردار ادا کیا۔
اس سے قبل فالو آن کے بعد سب سے بڑی اوپننگ پارٹنرشپ کا پچھلا ریکارڈ 2006 میں یاسر حمید اور یونس خان کے درمیان 133 رنز کی شراکت کا تھا۔
