پاکستان سپر لیگ کی ڈرافٹنگ کی تقریب کو گوادر سے لاہور منتقل کر دیا گیاہے ، ڈرافٹنگ 13 جنوری کو حضوری باغ لاہور قلعہ میں منعقد ہو گی ۔
تفصیلات کے مطابق ایچ بی ایل پی ایس ایل پلیئر ڈرافٹ کی تقریب پہلے گوادر میں شیڈول تھی لیکن لاجسٹک چیلنجز کے سبب اسے گوادر سے لاہورمنتقل کرنے کا فیصلہ کیا گیا، مارچ میں ہونے والے ایچ بی ایل پی ایس ایل ٹرافی ٹور کے روٹ میں گوادر ایک اہم مقام کے طور پر شامل ہوگا۔
ایونٹ کی نشریات شروع ہونے کا وقت دوپہر ساڑھے بارہ بجے ہوگا۔ایچ بی ایل پی ایس ایل کا تاریخی 10 واں ایڈیشن اس سال 8 اپریل سے 19 مئی کے درمیان منعقد ہوگا۔ چھ فرنچائزز پیر 13 جنوری کو لاہور کے سب سے مشہور ورثے والے مقام پر پلیئر ڈرافٹ کی تقریب کے دوران اپنے اسٹارز پر مشتمل اسکواڈز کا انتخاب کریں گی۔
