پاکستان سپر لیگ ( پی ایس ایل ) 10 کے لیے تمام فرنچائزز کی جانب سے ری ٹین کیئے گئے کھلاڑیوں کے نام جاری کر دیئے گئے ہیں ۔
تفصیلات کے مطابق پی ایس ایل کے قوانین کے مطابق ہر ٹیم زیادہ سے زیادہ 8 کھلاڑیوں کو ری ٹین کر سکتی ہے ۔
لاہور قلندرز
لاہور قلندرز نے پلاٹینم کیٹیگری میں شاہین شاہ آفریدی، فخر زمان، ڈائمنڈ کیٹیگری میں حارث روف ، سکندر رضا، گولڈ کیٹیگری میں عبداللہ شفیق ، زمان خان ، جہانداد خان اور سلور کیٹیگری میں ڈیوڈ ویزے کو ری ٹین کیاہے ۔
اسلام آباد یونائیٹڈ
اسلام آباد یونائیٹڈ نے پی ایس ایل سیزن 10 کیلئے پلاٹینم کیٹیگری میں شاداب خان ، نسیم شاہ ، ڈائمنڈ کیٹیگری میں عماد وسیم ، اعظم خان ، گولڈ کیٹیگری میں حیدر علی ، سلمان علی آغا اور سلور کیٹیگری میں منرو اور رومان رئیس کو برقرار رکھا ہے ۔
کراچی کنگز
کراچی کنگز نے پی ایس ایل سیزن 10 کیلئے پلاٹینم کیٹیگری میں کسی بھی کھلاڑی کو ری ٹین نہیں کیا تاہم ڈائمنڈ میں حسن علی، جیمز وینس، گولڈ میں شان مسعود ، عرفان خان نیازی، سلور کیٹیگری میں عرفات منہاس ، ٹم سیفرٹ اور زاہد محمود کو برقرار رکھاہے ۔
پشاور زلمی
پشاور زلمی نے پاکستان سپر لیگ کے سیزن 10 کیلئے پلاٹینم کیٹیگری میں بابراعظم ، صائم ایوب، ڈائمنڈ میں محمد حارث، کو ری ٹین کیا ہے تاہم فرنچائز نے گولڈ میں کوئی کھلاڑی منتخب نہیں کیا جبکہ سلور میں سفیان مقیم ، عارف یعقوب ، مہران ممتاز جبکہ ایمرجنگ میں سے علی رضا کو برقرار رکھاہے ۔
کوئٹہ گلیڈی ایٹرز
کوئٹہ گلیڈی ایٹرز نے پی ایس ایل سیزن 10 کیلئے پلاٹینم کیٹیگری میں سے کسی کھلاڑی کو منتخب نہیں کیاہے تاہم ڈائمنڈ میں محمد عامر، ابرار احمد، ریلی روسووو، گولڈ میں سعود شکیل ، محمد وسیم ، اکیل حسین، سلور کیٹیگری میں خواجہ نافع اور عثمان طارق کو برقرار رکھاہے ۔
ملتان سلطانز
ملتان سلطانز نے پاکستان سپر لیگ سیزن 10 کیلئےپلاٹینم کیٹیگری سے محمد رضوان ، اسامہ میر، ڈائمنڈ کیٹیگری میں ڈیوڈ ویلی، افتخار احمد، عثمان خان ، گولڈ کیٹیگری میں کرس جورڈن اور سلورکیٹیگری میں فیصل اکرم کو ری ٹین کیاہے ۔
