شمالی وزیرستان میں خیبرپختونخوا ٹی ٹوئنٹی کرکٹ چیمپئنز لیگ کا شاندار انعقاد ہوا جس میں قبائلی اضلاع کی 16 ٹیموں نے حصہ لیا۔ لیگ کے فائنل میں خیبر گرین ازمری نے دلچسپ مقابلے کے بعد کامیابی حاصل کی۔
یونس خان اسٹیڈیم میں فائنل میچ خیبر گرین ازمری اور باجوڑ ایجنسی کی ٹیموں کے درمیان ہوا جس میں خیبر گرین ازمری نے فتح حاصل کی۔
اختتامی تقریب میں مقامی برگیڈ کمانڈر نے جیتنے والی اور رنر اپ ٹیموں کو ٹرافی اور نقد انعامات سے نوازا۔ تماشائیوں میں بھی مختلف گفٹس تقسیم کیے گئے۔ عوام نے اس ایونٹ کو کھیلوں کے فروغ اور نوجوانوں کی حوصلہ افزائی کے لیے اہم قدم قرار دیا۔
پاک فوج کے زیر اہتمام چیمپئنز لیگ میں تمام قبائلی اضلاع اور ایف آر کی سولہ ٹیموں نے شرکت کی اور شاندار کارکردگی کا مظاہرہ کیا۔لیگ کے دوران پندرہ سنسنی خیز میچز کھیلے گئے ۔
