خصوصی سرمایہ کاری سہولت کونسل (ایس آئی ایف سی) کی معاونت سے پاکستان کی پبلک سیکٹر کمپنیوں نے گزشتہ مالی سال کی پہلی ششماہی میں 102 ارب روپے کا منافع کمایا۔
گزشتہ مالی سال کی پہلی ششماہی میں سرکاری اداروں کی آمدن 15 فیصد بڑھ کر 7 کھرب روپے رہی۔ سات کمپنیوں کا 249 ارب روپے منافع سوورن ویلتھ فنڈ میں منتقل کردیا گیا۔
او جی ڈی سی ایل کا سب سے زیادہ 123.3 ارب روپے منافع ریکارڈ کیا گیا، پاکستان پیٹرولیم کا منافع 68.8 ارب جبکہ پاور سیکٹر کا منافع 50.7 ارب روپے رہا۔
نیشنل پاور پارکس کا 36.3 ارب روپے جبکہ پاک عرب ریفائنری کا 35 ارب تک منافع ریکارڈ کیا گیا۔ ان کے علاوہ لاہور الیکٹرک، نیشنل بنک، واپڈا اور پورٹ قاسم میں بھی نمائیاں منافع ریکارڈ کیا گیا۔
ایس آئی ایف سی کی مسلسل جدوجہد سے معیشت کے استحکام، ترقی اور روشن مستقبل کے امکانات مزید روشن ہوگئے۔
