پاکستان سپر لیگ ( پی ایس ایل ) کے دسویں 10 ایڈیشن کے لئے پاکستانی پلاٹینم کھلاڑیوں کے نام سامنے آگئے۔
پاکستان سپر لیگ مینجمنٹ اور فرنچائزز کی کیٹگریز سے متعلق اہم میٹنگ ختم ہوگئی ہے اور پاکستانی پلاٹینم کھلاڑیوں کے نام بھی فائنل کر لیئے گئے ہیں جبکہ سماء کھلاڑیوں کے نام بھی سامنے لے آیا ہے۔
ذرائع کے مطابق لاہور قلندرز سے شاہین شاہ آفریدی، فخر زمان اور حارث روف پلاٹینم کیٹگری میں فائنل ہوگئے ہیں جبکہ پشاور زلمی سے بابر اعظم اور صائم ایوب پلاٹینم کیٹگری میں فائنل ہوئے۔
کوئٹہ گلیڈیٹرز سے صرف ایک کھلاڑی محمد عامر پلاٹینم کیٹگری میں فائنل ہوئے۔
اسلام آباد یونائیٹڈ سے شاداب خان، نسیم شاہ اور عماد وسیم کا نام فائنل ہوا جبکہ کراچی کنگز سے کوئی کھلاڑی پلاٹینم کیٹگری کے لئے فائنل نہیں ہوا۔
ملتان سلطانز سے محمد رضوان، اسامہ میر کے نام پلاٹینم کیٹگری کے لئے فائنل ہوگئے ہیں جبکہ افتخار احمد اور عباس آفریدی کے درمیان فیصلہ تاخیر کا شکار ہے اور ریویو کمیٹی کے پاس چلا گیا ہے۔
ذرائع نے بتایا کہ پلاٹینم کیٹگریز کے علاوہ باقی کیٹگریز میں کھلاڑیوں کے ناموں پر ووٹنگ کی وجہ سے معاملہ سلیکشن پینل کے پاس چلا گیا اور سلیکشن پینل ریویو کرکے کل تک تمام فرنچائزز کو نام اور کیٹگریز بھیج دے گی۔
ذرائع کا مزید کہنا تھا کہ ایمرجنگ کیٹگری کے لئے قانون میں تبدیلی کی گئی ہے اور جو ایمرجنگ کھلاڑی پاکستان کی طرف سے کھیل چکا ہے وہ اگر 23 سال کا بھی ہوا تو اسکو شامل کر لیا جائے گا۔
