سابق وفاقی وزیر چوہدری مونس الہٰی کو اشتہاری قرار دے دیا گیا۔
ایڈیشنل سیشن جج گجرات میاں جاوید اکرم نے دوہرے قتل کے مقدمے میں سابق وفاقی وزیر مونس الہیٰ کو اشتہاری قرار دے دیا۔
چوہدری مونس الہٰی سمیت ملزمان پر دو افراد کے قتل کا الزام ہے جبکہ اسی کیس میں نامزد ملزم محمد اختر دوران ٹرائل جیل میں وفات پاگیا تھا۔
پولیس حکام کے مطابق مونس الہٰی کو ایف آئی آر کے ملزمان کے انکشاف کے بعد دفعہ 109 کے تحت ایما مشورہ کا ملزم نامزد کیا گیا تھا۔
ملزمان کے خلاف تھانہ منگووال میں 29 جون 2023 کو مقدمہ درج ہوا تھا۔
