ملک میں کاروں کی فروخت میں رواں مالی سال کی پہلی سہ ماہی میں40 فیصدکی کمی جبکہ ستمبرمیں ماہانہ بنیادوں پر10 فیصد کا اضافہ ریکارڈ کیا گیا ہے۔
آل پاکستان آٹومینوفیکچررز ایسوسی ایشن کے اعدادوشمارکے مطابق جولائی سے ستمبرتک کاروں کے 20983 یونٹس کی فروخت ریکارڈ کی گئی جوگزشتہ مالی سال کی اسی مدت کے مقابلہ میں 40 فیصدکم ہے۔گزشتہ مالی سال کی اسی مدت میں ملک میں 35002 یونٹس کاروں کی فروخت ریکارڈ کی گئی تھی۔
اعدادوشمارکے مطابق اسی طرح ماہانہ بنیادوں پررواں ماہ ستمبر میں 8312 یونٹس کاروں کی فروخت ہوئی جوگزشتہ سال2022 کےستمبرکے مقابلہ میں 26 فیصدکم ہے، ستمبر2022 میں 11288 یونٹس کاروں کی فروخت ریکارڈ کی گئی تھی۔
ایسوسی ایشن کے مطابق اگست کے مقابلہ میں ستمبرمیں کاروں کی فروخت میں ماہانہ بنیادوں پر10 فیصد کا اضافہ ہوا ہے ، اور اگست میں ملک میں 7579 یونٹس کاروں کی فروخت ریکارڈ کی گئی، جوستمبرمیں بڑھ کر8312 یونٹس ہوگئی۔
اعدادوشمارکےمطابق جاری مالی سال کی پہلی سہ ماہی میں پاک سوزوکی کے 10946 یونٹس کاروں کی فروخت ریکارڈ کی گئی جوگزشتہ مالی سال کی اسی مدت کے 16639 یونٹس کے مقابلہ میں 34 فیصدکم ہے۔ انڈس موٹرزکے 4511 یونٹس کی فروخت ریکارڈ کی گئی جوگزشتہ مالی سال کی اسی مدت کے 8868 یونٹس کے مقابلہ میں 49 فیصدکم ہے۔
اعدادوشمارکےمطابق رواں مالی سال کی پہلی سہ ماہی میں ہونڈا اطلس کے 2510 یونٹس کاروں کی فروخت ریکارڈ کی گئی جوگزشتہ مالی سال کی اسی مدت کے 5626 یونٹس کے مقابلہ میں 55 فیصدکم ہے،اسی طرح ہونڈائی نشاط کے 2167 یونٹس کاروں کی فروخت ریکارڈ کی گئی جوگزشتہ مالی سال کی اسی مدت کے مقابلہ میں 30 فیصدکم ہے، گزشتہ مالی سال کی اسی مدت میں ہونڈائی نشاط کے 3097 یونٹس کاروں کی فروخت ریکارڈ کی گئی تھی۔
