لاہور ہائیکورٹ نے تحریک انصاف کے رہنماء اور ممبر آزاد کشمیر اسمبلی غلام محی الدین کی نظر بندی کالعدم قرار دیدی ہے اور غلام محی الدین کو رہا کرنے کا حکم دے دیا ہے۔
لاہورہائیکورٹ کے جسٹس اسجد جاوید گھرال نے غلام محی الدین کی اہلیہ صبا دیوان کی درخواست پر سماعت کی۔
لاہور ہائیکورٹ نے پنجاب حکومت کے جواب پر برہمی کا اظہار کیا،پنجاب حکومت کے وکیل نے کہا کہ ہم نے درخواست کو پیر کے لیے فکس کیا ہوا ہے۔
عدالت نے ریمارکس دیے آپ کے پاس نظر بندی کے جواز کے طور پر کیا میٹیریل ہے لاہور ہائیکورٹ نے غلام محی الدین کی نظر بندی کالعدم قرار دیکر رہائی کا حکم دے دیا۔
