حکومت کو کے الیکٹرک سمیت ملک بھر کے بجلی صارفین کیلئے یکساں ٹیرف لاگو کرنے کا گرین سگنل مل گیا۔ نیپرا نے وفاقی حکومت کی درخواست منظور کرلی۔ جاری فیصلے کے مطابق بنیادی ٹیرف بھی برقرار رہے گا۔
نیپرا کے مطابق گھریلو صارفین کےلیے بجلی کا زیادہ ٹیرف 47 روپے 69 پیسے فی یونٹ برقرار رہے گا۔ ماہانہ 50 یونٹ تک کےگھریلولائف لائن صارفین کےلیے ٹیرف تین روپے 95 پیسے فی یونٹ اور 51 سے 100 یونٹ تک لائف لائن صارفین کے لیے ٹیرف 7 روپے 74 پیسے فی یونٹ پر برقرار رہے گا۔
ماہانہ 101 یونٹ تک پروٹیکٹڈ صارفین کاٹیرف 10 روپے 54 پیسے اور 101 سے 200 یونٹ تک پروٹیکٹڈ صارفین کا ٹیرف 13.1 پیسے برقرار رہے گا۔ ماہانہ ایک سے 100 یونٹ تک نان پروٹیکٹڈ گھریلو صارفین کا ٹیرف 22 روپے 44 فی یونٹ، 101 سے 200 یونٹ ماہانہ کیلئے ٹیرف 28 روپے 91 پیسے فی یونٹ اور 201 سے 300 یونٹ کا ٹیرف 33 روپے 10 پیسے فی یونٹ برقرار رکھا جائے گا۔
ماہانہ 301 سے 400 یونٹ کا ٹیرف 37.99 روپے، 401 سے 500 یونٹ کا ٹیرف 40.22 روپے جبکہ 501 سے 600 یونٹ کا ٹیرف 41.62 روپے فی یونٹ برقرار رکھا جائے گا۔ 601 سے 700 یونٹ کا ٹیرف 42.67 اور 700 سے زائد یونٹ کا ٹیرف 47.69 روپے فی یونٹ برقرار رہے گا۔
