گلگت بلتستان میں 77 واں یوم آزادی جوش و خروش کے ساتھ منایا گیا اور پاکستان کے بلند ترین مقام خنجراب ٹاپ پر پرچم کشائی کی تقریب کا انعقاد کیا گیا۔
پاکستان کے بلند ترین مقام خنجراب میں کمانڈر ایف سی این اے میجر جنرل کاشف خلیل (ستارہ جرات) اور چیف منسٹر حاجی گلبر خان گلگت بلتستان نے پرچم کشائی کی ۔
اس موقع پر سیاسی ، سماجی اور مقامی لوگوں کی کثیر تعداد نے شرکت کی۔
اس تاریخی موقع پر کمانڈر ایف سی این اے اور چیف منسٹر جی بی نے گیارہ آئی ٹی سنٹرز کا افتتاح کیا۔
اس پروقار تقریب میں بچوں نے قومی نغمے پیش کیے اور محفل سے داد وصول کی۔
