وفاقی حکومت کی جانب سے یکم جولائی کے بعد نان فائلر پر ٹیکس کی شرح 45 فیصد کرنے کی تجویز پیش کر دی گئی۔
وفاقی وزیر خزانہ محمد اورنگزیب نے قومی اسمبلی میں آئندہ مالی سال 2025ـ2024 کیلئے 18 ہزار 877 ارب روپے کے حجم کا وفاقی بجٹ پیش کردیا ہے۔
وزیر خزانہ نے بجٹ تقریر میں بتایا کہ یکم جولائی کے بعد فائلر کیلئے 15 فیصد ٹیکس جبکہ یکم جولائی کے بعد نان فائلر پر ٹیکس کی شرح 45 فیصد کرنے کی تجویز ہے۔
محمد اورنگزیب نے بتایا کہ آئندہ مالی سال کے بجٹ میں انکم ٹیکس چھوٹ 6 لاکھ روپے آمدن تک برقرار رکھنے کی تجویز ہے جبکہ تنخواہ دار طبقے پر ٹیکس میں مزید اضافہ نہ کرنے کی تجویز ہے۔
