پاکستان شاہینز اور سری لنکا اے کے درمیان جاری سیریز سکیورٹی وجوہات کی بنیاد پر ملتوی کردی گئی۔
اسلام آباد میں سکیورٹی کی بگڑتی صورتحال کے پیش نظر پاکستان شاہینز اور سری لنکا اے کے درمیان ون ڈے سیریز ادھوری رہ گئی ہے اور باقی دو میچز کو ملتوی کرنے کا فیصلہ کیا گیا ہے۔
پاکستان کرکٹ بورڈ ( پی سی بی ) کے مطابق پی سی بی اور سری لنکا کرکٹ بورڈ دونوں کا سیریز ملتوی کرنے پر اتفاق بھی ہوگیا ہے۔
پی سی بی کے مطابق دونوں بورڈز سیریز کو مکمل کرنے کے لیے نئی تاریخوں کو حتمی شکل دینے کے لیے تعاون کریں گے۔
