لاہور سے قومی اسمبلی کے ایک اور صوبائی اسمبلی کے چار حلقوں میں ضمنی الیکشن کے لیے امیدوار کو انتخابی نشان الاٹ کر دئیے گئے ، سنی اتحاد کونسل کے امیدواروں کو گھوڑے کا نشان الاٹ کردیا گیا۔
لاہور کے قومی اسمبلی کے حلقہ این اے 119 سے مسلم لیگ ن کے علی پرویز کو شیر جبکہ سنی اتحاد کونسل کے شہزاد فاروق کو گھوڑے کا نشان دیا گیا ہے ۔پی پی 158 سے سنی اتحاد کونسل کے مونس الٰہی کو گھوڑے کا نشان ،چوہدری محمد نواز کو شیر کا نشان دیا گیا۔
پی پی 164 سے سنی اتحاد کونسل کے محمد یوسف کو گھوڑے کا نشان جبکہ مسلم لیگ ن سے راشد منہاس کو شیر کا نشان دیا گیا۔پی پی 149 سے آئی پی پی کے شعیب صدیقی عقاب کے نشان سے ،جبکہ سنی اتحاد کونسل کے ذیشان رشید گھوڑے کے نشان پر الیکشن لڑیں گے۔پی پی 147 سے سنی اتحاد کونسل کے شارق جمال کو گھوڑے کا نشان الاٹ کیا گیا اور پی پی 147سے آزاد امیدوا محمد خان مدنی کو بلیک بوڈر جبکہ مسلم لیگ ن سے محمد ریاض کو شیر کا نشان ملا۔ ضمنی الیکشن 21 اپریل کو ہوگا۔
