اوکاڑہ کی مقامی عدالت نےچیئرمین پی ٹی آئی کی اہلیہ بشریٰ بی بی کے سابق شوہر خاورمانیکا کو آٹھ روز جسمانی ریمانڈ پر اینٹی کرپشن کےحوالے کر دیا گیا۔
اینٹی کرپشن ترجمان کے مطابق خاور مانیکا کو اوکاڑہ کی مقامی عدالت میں اینٹی کرپشن ٹیم نے پیش کیا،جہاں محکمہ کی جانب سے موقف اختیارکیا گیا کہ خاور مانیکا پر قبرستان کی زمین پر قبضے کا الزام ہے،خاور مانیکا نے دوکانوں کیلئے کوئی این او سی حاصل نہیں کیا۔
یہ بھی پڑھیں:۔خاور مانیکا کا ایک روزہ راہداری ریمانڈ منظور
عدالت سے جسمانی ریمانڈ کی استدعا کرتے ہوئے اینٹی کرپشن نے کہاکہ دوران تفتیش ملزم کے ساتھ شریک دیگرملزمان کے کردار کا تعین کیا جائیگا۔
اوکاڑہ کی مقامی عدالت نے محکمہ اینٹی کرپشن پنجاب کی درخواست پرخاور مانیکا کوآٹھ روزہ جسمانی ریمانڈ ان کے حوالے کر دیا۔
خیال رہے کہ گزشتہ روز لاہور کی مقامی عدالت نے غیرقانونی شادی ہال اور دکانیں تعمیر کرانے کے کیس میں خاور مانیکا کا ایک روزہ راہداری ریمانڈ منظور کیا تھا۔
یاد رہے کہ بشریٰ بی بی کے سابق شوہر خاور مانیکا کو وفاقی تحقیقاتی ایجنسی ( ایف آئی اے ) نے علامہ اقبال انٹرنیشنل ائیرپورٹ لاہور سے حراست میں لیا تھا اور بعدازاں انہیں اینٹی کرپشن کے حوالے کر دیا گیا۔
