سپریم کورٹ نے بلوچستان اسمبلی کے حلقے پی بی 50 قلعہ عبداللہ میں دوبارہ انتخابات کا حکم دے دیا۔
تفصیلات کے مطابق سپریم کورٹ میں اے این پی رہنما زمرد خان کی درخواست پر سماعت ہوئی، عدالت نے فریقین کی رضامندی سے حلقے میں دوبارہ پولنگ کاحکم دیا۔
وکیل جے یو آئی نے عدالت کو بتایا کہ جن پولنگ اسٹیشنز سے میرا مؤکل کامیاب ہوا صرف وہاں ری پولنگ کاحکم دیا، جہاں زمردخان جیتے وہاں فارم47، 47میں تضادہے، میرے مؤکل نے حلف بھی اٹھالیا، الیکشن کمیشن نے نوٹیفکیشن معطل کردیا۔
چیف جسٹس قاضی فائزعیسیٰ نے ریمارکس دیے کہ اتنی باریکیوں میں نہ لیکر جائیں ٹربیونل بن چکے اپیل وہاں دائرکریں، عدالت بیٹھ کر400الیکشن کیسزنہیں سن سکتی، فریقین رضامند ہیں توپورےحلقہ میں دوبارہ پولنگ کروادیتے ہیں۔
بعدازاں فریقین کے رضا مندی سے سپریم کورٹ نے پی بی 50 قلعہ عبداللہ میں الیکشن کالعدم قرار دے کر حلقے میں دوبارہ انتخابات کا حکم دے دیا۔
خیال رہے کہ زمرد خان کی کامیابی جے یو آئی کے ملک نواز نے الیکشن کمیشن میں چیلنج کی تھی، الیکشن کمیشن نے چھ پولنگ اسٹیشنز پر دوبارہ ووٹنگ کا حکم دیا تھا، زمرد خان خود معاملہ سپریم کورٹ لائے تھے۔
