پی ایس ایل کے 19 ویں میچ میں ملتان سلطانز نے کراچی کنگز کو 20رنز سے شکست دیتے ہوئے پلے آفے مرحلے میں جگہ بنا لی ۔
تفصیلات کے مطابق ملتان سلطانز کی جانب سے دیئے گئے 190 رنز کے ہدف کے تعاقب میں کراچی کنگز 20 اوورز میں 7 وکٹوں کے نقصان پر 169رنز بنانے میں کامیاب ہوئی ۔ جس میں شعیب ملک 38 رنز کے ساتھ سرفہرست رہے جبکہ اوپننگ پر آنے والے شان مسعود 36 رنز کے ساتھ دوسرے نمبر پر رہے ۔عرفان خان نے 23 ، محمد نواز نے 27رنز بنائے ۔
اس سے قبل مطابق ملتان سلطانز نے ٹاس جیت کر بیٹنگ کا فیصلہ کیا اور مقررہ 20 اوورز میں تین وکٹوں کے نقصان پر 189 رنز بنائے جس میں عثمان خان 106 رنز کے ساتھ ناقابل شکست رہے جبکہ کپتان محمد رضوان نے 58 رنز کی اننگ کھیلی ۔ ان کے علاوہ ریزا ہیندرکس نے 13 رنز بنائے ۔
کراچی کنگز کی جانب سے بلیسنگ نے 2 اور حسن علی نے ایک وکٹ حاصل کی ۔
ملتان سلطانز کے پلیئنگ الیون میں ریزا ہینڈرکس ، محمد رضوان ، عثمان خان، طیب طاہر، افتخار احمد، خوشدل شاہ ، کرس جورڈن، ڈیوڈ ویلی، اسامہ میر، فیصل اکرم اور محمد علی شامل ہیں۔
کراچی کنگز کی پلیئنگ الیون میں شان مسعود، ٹم سیفرٹ، جیمز وینس ، شعیب ملک، لیوس ، عرفان خان نیازی ، محمد نواز، حسن علی، زاہد محمود، میر حمزہ اور بلیسنگ مذربانی شامل ہیں ۔
