ڈرگ ریگولیٹری اتھارٹی نے بخار کے سیرپ کے ایک بیچ کو غیر معیاری قرار دیتے ہوئے مارکیٹ سے ادویات واپس منگوانے کا حکم دے دیا۔
اعلامیے کے مطابق پیڈولل سسپنشن پیراسیٹامول فارمولے سے تیارکردہ ہے، پیڈولل سسپنشن کا بیچ 167 کو غیر معیاری قرار دیا گیا ہے۔ ڈریپ نے ڈاکٹروں کو بھی پیڈولل سسپنشن کا بیچ 167 استعمال نہ کرانے کی ہدایت کردی۔
اعلامیے کے مطابق بیچ کو فیڈرل ڈرگ اینالسٹ، سی ڈی ایل کراچی نے غیر معیاری قرار دیا، پیڈولل سسپنشن بخار اور جسم درد کے علاج میں استعمال کیا جاتا ہے، ڈاکٹرز مریضوں کو پیڈولل سسپنشن کا متاثرہ بیچ استعمال نہ کرائیں۔
کیمسٹ کو ہدایت کی گئی ہے کہ پیڈولل سسپنشن کا متاثرہ بیچ متعلقہ فارما کمپنی کو واپس کریں، کمپنی متاثرہ بیچ سپلائی نہ کرے،دوائیں مارکیٹ سے واپس منگوائے، غیر معیاری دوا کا استعمال جگر، گردے کیلئے نقصان دہ ہو سکتا ہے۔
