صبح سویرے کراچی کے مختلف علاقوں میں ہلکی بارش سے موسم سہانا ہوگیا۔
کراچی کے مختلف علاقوں میں ہلکی بارش سے موسم خوشگوار ہوگیا،فیڈرل بی ایریا، گلشن ،صدر،نمائش ،لیاقت آباد،ٹاور اور اردگرد کے علاقوں میں ہلکی بارش ہوئی۔
لیاری،کھارادر، آئی آئی چندریگرروڈ اوراطراف میں ہلکی بارش سے موسم سرد ہوگیا۔اس کے علاوہ ناظم آباد،نارتھ ناظم آباد،گولیمار کے اطراف میں بارش سے خُنکی بڑھ گئی۔
دوسری جانب ملک کےبالائی علاقوں میں برفباری اور بارش کا سلسلہ جاری ہے، آزاد کشمیرمیں بارش اوربرفباری کاسلسلہ تھم جانے کےبعدسردی کی شدت میں غیر معمولی اضافہ ہوگیا،تربت اور قریبی علاقوں میں وقفے وقفے سے بارش کا سلسلہ جاری،سردی بڑھ گئی
