بلاول بھٹو زرداری کی مسلم لیگ ق کے رہنمااور سابق گورنر چوہدری سرور سے ملاقات میں اہم پیشرفت سامنےآئی ہے اورچوہدری سرور نے این اے 127 میں بلاول بھٹو کو اپنی حمایت کا یقین دلادیا ہے۔
مسلم لیگ کے رہنما چوہدری سرور نے ایکس ( ٹویٹر) پر ایک پیغام میں بتایا کہ پاکستان پیپلز پارٹی کے چیئرمین اور سابق وزیر خارجہ بلاول بھٹو نے میرے بھائی چوہدری رمضان کے انتقال پر فاتحہ خوانی کے لیے آئے،اس دوران موجودہ سیاسی منظر نامے کے بارے میں ہمارے درمیان نتیجہ خیز گفتگو ہوئی۔
Appreciate @BBhuttoZardari for visiting my house to offer Fateha for my brother Ch Ramzan. We had a fruitful discussion about the present political scenario. I am pleased about Bilawal’s decision to run for elections in Lahore and I will wholeheartedly support him. pic.twitter.com/cupL2ei270
— Mohammad Sarwar (@ChMSarwar) January 11, 2024
انہوں نے این اے 127 میں بلاول بھٹو کو اپنی حمایت کا یقین دلاتے ہوئے کہا کہ بلاول بھٹو نے این اے 127 میں تعاون کے لئے کہا،بلاول بھٹو کی کامیابی کے لئے اپنا کردار ادا کروں گا۔
چوہدری سرور نےکہا کہ بلاول بھٹو کا لاہور سے الیکشن لڑنے کا فیصلہ بہت اچھا ہے، ان کی لاہور سے جیت وفاق کے لئے خوشگوار پیغام ہوگا۔
